Al  Gruppo  Arte  Teatro

"La  Fenice"

Nasciu  megghiu  'i  prima,

ccu  li  parenti  e  amici,

tra  l'arti  e  lu  tiatru,

lu  gruppu  "La Finici".

E  già  li  misi  in  mustra

li  so   capacità,

ccu  Alfredu  e  ccu  Giuseppi

e  ccu  Francu  Falà.

Anchi  li  so  muggheri,

donni  siciliani,

li  fanu  ricitari

ccu  movimenti  arcani.

Attornu  di  'stu  gruppu

ci  semu  ricitanti

tanticchia  scassuliddi,

pueti  dilittanti.

Ma  Francu  'mpara  a  tutti

ccu  forza  e  sintimentu,

cummedii  e  travagghi

li  porta  a  cumplimentu.

Ccu  sceni  fatti  'n  casa

e  la  suggeritrici,

ppi  quantu  non  lu  sbagghia

l'artista  zoccu  dici.

'Stu  gruppu  "La  Finici"

è  comu  'na  famigghia

e  u  pubblicu  'mpazzisci

ccu  granni  miravigghia!

Diu  li  binidici

picchì  tiatru  fanu

e  tutti  suddisfatti

ci  abbattunu  li  manu!

Alfio  Naso

Belpasso,  5  marzo  2003